Pinë lëng portokalli të skaduar, ndërrojnë jetë 10 persona, qindra të tjerë të shtruar në spital

Pijet e prodhuara në vend në shumicën e rasteve, blihen me shumicë nga dyqanet lokale ose shitësit e rrugës dhe përgatiten duke shtuar më shumë ujë. Në një video mesazh,  komisioneri i shëndetit në Kano, Aminu Ibrahim Tsanyawa tha se më shumë se 400 njerëz  ishin sëmurë pasi kishin pirë lëng portokalli të skaduar.

Simptomat e pacientëve përfshijnë të vjella, gjak në urinë, marramendje dhe diarre.

Hetimet ende vazhdojnë teksa qeveria i ka kërkuar popullit që të kontrollojë datat e skadencës.

Po ashtu, autoritetet po hetojnë nëse uji i ndotur në përgatitjen e pijeve mund të jetë një nga shkaqet për ngjarjen e rëndë.