Pas 4 orësh nga përfundimi i votimit, KQZ nxjerr përqindjen e pjesëmarrjes në proces

Kreu i KQZ Ilirjan Celibashi, në një prononcim për mediat nga KQZ, ka bërë të ditur se pjesëmarrja në këto zgjedhjet gjykohet të jetë 48.2%.

Në fjalën e tij, kryekomisioneri theksoi se siç ka ndodhur prej vitesh, rezultati zyrtar do të dalë pasi të jetë marrë i gjithë informacioni nga qendrat e votimit.

“Ka filluar procesi i numërimit për zonën zgjedhore të Pustecit. Është në përfundim procesi i dorëzimit të materialeve zgjedhore dhe të kutive të votimit nga komisionet e qendrave të votimit në zonat e administrimit zgjedhor. KQZ po monitoron procesin. Dorëzimi i kutive po bëhet sipas procedurave. Sa i përket pjesëmarrjes, është në nivelin e 48.2%. Rezultatin zyrtar të pjesëmarrjes do ta kemi pasi të marrim gjithë informacionin nga të gjitha qendrat e votimit. KQZ ka bërë atë që duhet dhe ka dhënë informacion për gjithë ecurinë e procesit zgjedhor. Pritshmëritë për të nxjerrin rezultatin për partitë politike dhe koalicionet janë brenda 48 orëve. Deri më tani nuk shohim ndonjë problematikë në lidhje me këtë cështje. Ngelet për t’u parë, por jam i sigurt që do ta kemi rezultatin brenda 48 orëve”, tha Celibashi.

🎙️ Podcast “Money Hour” | Fast News Economy

🏛️ LIGJET E BIZNESIT–Ligji në Kohë Reale për Biznesin Modern