Nuk justifikoi dot pasurinë/ Gjyqtarja e Apelit të Tiranës merr lajmin e keq nga KPK (EMRI)

Ditën e sotme Komisioni i Pavarur i Kualifikimit ka marrë vendimin për të shkarkuar nga detyra Evgjeni Sinoimerin, me detyrë gjyqtare pranë Gjykatës së Apelit Tiranë.

Seanca  u mbajt ditën e mërkurë pa praninë e saj dhe pa një përfaqësues ligjor.

Trupa kryesohej nga Genta Tafa Bungo me relatore Suela Zhegun dhe anëtare Brunilda Bekteshin, njoftoi se Sinojmerit i ishte kërkuar disa herë të paraqitej apo paraqiste një mbrojtës, por ajo nuk ishte përgjigjur dhe as kishte marrë në dorëzim materialet e dosjes. KPK konstatoi se Sinojmeri nuk justifikonte pasurinë.