“Nuk jam i gëzuar, por mirënjohës” Salianji flet nga Korça: Jemi demokratë dhe nuk dorëzohemi

Pas rezultatit në disfavor të Partisë Demokratike, drejtuesi politik i kësaj force politike në Korçë Ervin Salianji, ka folur për mediat.

Ai falenderoi çdo qytetar që i besoi votën PD, duke thënë se rikuperimi në shumë njësi administrative ka qenë i madh.

Edhe pse disi i zhgënjyer nga 25 prilli, Salianji u shpreh se demokratët nuk dorëzohen kurrë.

“Pas përfundimit të procesit të numërimit nuk jam i gëzuar, por mirënjohës për votat dhe mbështetjen masive për të rinjtë e qarkut të Korçës që në një klimë të madhe presioni dhe trysnie të madhe të pushtetit që përdori dhe elementë të policisë së shtetit kemi rikuperuar më shumë se 7 mijë vota kemi arritur një rezultat të jashtëzakonshëm, do të donim më shumë dhe them që jemi përtej pritshmërive. Falenderoj çdo lagje dhe çdo zonë. Çdo qytetar që na ka mbështetur. Kemi rikuperuar më shumë se 4500 vota në bashkinë e Maliqit dhe kemi marrë një rezultat të mirë në shumë njesi administrative që nga viti 2005 kishte kohë që nuk merrej ky rezultat. Ne jemi demokrat dhe demokratët nuk dorëzohen kurrë dhe ne do të mundohemi.”, tha Ervin Salianji teksa ishte i pranishëm në qytetin jugor.