“Njerëz që duan të prishin harmoninë” Imam Kalaja flet pas ngjarjes në xhaminë e Rrugës së Kavajës (VIDEO)

Pas ngjarjes së rëndë ku mbetën të plagosur me thikë 5 persona brenda xhamisë “Dine Hoxha” në rrugën e Kavajës në Tiranë nga autori Rudolf Nikolli, ka reaguar dhe imami Ahmed Kalaja.

Ai ka konfirmuar ngjarjen në fjalë me anë të një reagimi në rrjetet sociale dhe tha se shpresonte të mos ishte sulm terrorist.

“Situata është nën kontroll, nuk ka asgjë për t’u shqetësuar. Shpresoj mos të ketë qenë ndonjë akt terrorist. Shpresoj të ketë qenë ndonjë njeri me të meta mendore. Për pak orë xhamia do të kthehet në normalitet. Këta janë njerëz që duan të prishin harmoninë e janë plagosur disa vëllezër dhe disa besimtarë. E rëndësishme që situata është nën kontroll”, tha Kalaja.