Një nga trarët u rrëzua dhe i mori jetën shqiptarit, punonjësit ngrihen në protestë

Si pasojë e shembjes së një pjese të ndërtesës së Amazon në Itali, ka humbur jetën një shtetas shqiptar dhe janë plagosur pesë të tjerë.

Flamur Alsela, 50 vjeç, i cili jetonte në Chiari në provincën e Brescia ndërroi jetë kur një trarët u rrëzua mbi të.

Si pasojë e kësaj ngjarje të rëndë punëtorët në këtë kantier kanë paralajmëruar se do të zhvillojnë një protestë të hënën më 3 maj:

“Ne nuk mund ta durojmë më këto ngjarje të vazhdueshme të aksidenteve në punë që shkaktojnë lëndime, invalidë dhe gjithnjë e më shumë vdekje. Një ndërhyrje nga institucionet është e domosdoshme dhe shumë urgjente për të siguruar që rregullat e sigurisë që ekzistojnë dhe që mund të shpëtojnë shumë jetë njerëzish të respektohen në vendet e ndërtimit. Vigjilencë dhe shtypje kur konstatohet mosrespektimi i rregulloreve”, tha një punëtor ndërtimi.