Ngatërron vargjet e Fan Nolit me të Migjenit, Kryemadhi: Nuk merrem më me poezi

Kryetarja e LSI-së Monika Kryemadhi ka zhvilluar ditën e sotme fushatën elektorale në Vlorë, ku ka prezantuar kandidatët për deputetë në këtë qark.

Kryemadhi para qytetarëve, ka recituar disa vargje nga vjersha e Fan Nolit, “Anës lumenjëve”, por e ka ngatërruar duke thënë se është vjersha e Migjenit.

Por Kryemadhi e ka kuptuar gabimin dhe për ta rregulluar, ka dalë në një video me Luan Ramën, ku thotë “Luan nuk merrem më me poezi, se edhe sot në Vlorë që doja të recitoja Fan Nolin e ngatarrova me Migjenin, kshu që po ti le ty poezitë”.