Në mes të ditës/ Shqetësim për qytetarët, makina e plehrave bllokon trafikun dhe ndot ajrin e Tiranës (VIDEO)

Nuk janë të pakta rastet ku ambient në Tiranë ndotet në mënyra të ndryshme.

E njëjta gjë ka ndodhur dhe sot, në zonën shumë pranë qendrës së kryeqytetit, konkretisht në rrugën e “Bogdanëve”.

Ashtu siç shihet dhe nga pamjet, një makinë plehrash ka nisur të grumbullojë mbetjet në mes të ditës duke bllokuar kështu trafikun.

Gjithashtu qytetarët janë shprehur të shqetësuar pranë redaksisë së “Fast News Albania” ku kanë dërguar videon.

Sipas tyre ky fenomen i mbledhjes së plehrave në mes të ditës, është kthyer tashmë i përditshëm dhe ndotës për ambientin.

Ata kërkojnë një zgjidhje nga autoritetet përkatëse, por nuk kanë besim se mund ta gjejnë, sidomos në këtë periudhë ku politikanët janë të përqendruar te zgjedhjet dhe janë pranë popullit mesa duket vetëm për të marrë postet dhe jo për të rregulluar problemet  e përditshme që shqetësojnë shoqërinë./ Fastnewsalbania