LIGJET E BIZNESIT
Partia Demokratike akuzon kryeministrin Edi Rama se nuk e mbajti premtimin pëa aeroportin e Kukësit, pasi fluturimet ndërkombëtare nuk mund të kryhen për shkak se pista nuk ka një certifikatë sigurie.
Teksa e krahason me negociatat, që referuar selisë blu nuk u hapën kurrë, PD shton se ky është eksperimenti i fundit që Rama bën me shqiptarët.
“Hapja e aeroportit të Kukësit për fluturime ndërkombëtare, premtim tjetër i pambajtur i Edi Ramës. Ulja e një avioni të Air Albania në Kukës s’u bë nga Londra, siç premtoi Rama, por nga Rinasi, sepse aeroporti s’ka certifikata sigurie.
Me Ramën në krye të qeverisë, fluturimet ndërkombëtare në Aeroportin e Kukësit janë si hapja e negociatave me BE: Ato nuk ekzistojnë. Ky është eksperimenti i fundit që Rama bën me shqiptarët. Kryeministri më i dështuar dhe më i paaftë në historinë e vendit do të largohet në 25 prill nga shqiptarët që duan ndryshim” deklaron PD.
Por pse avioni nga Londra u ul fillimisht në Rinas dhe pastaj u nis për në Kukës?
🎙️ Podcast “Money Hour” | Fast News Economy
🏛️ LIGJET E BIZNESIT–Ligji në Kohë Reale për Biznesin Modern
Sot në aeroportin e Kukësit u ul avioni i parë, por pyetja që ngritën shumë qytetarë ishte se përse nga Londra nuk ndaloi direkt në “Zayed, Flatrat e Veriut”, por fillimisht në Tiranë dhe më pas në pistën e re në verilindje të vendit? Pyetjes i dha përgjigje Edi Rama.
“Sot fluturuam nga Tirana në Kukës, pasi cdo aeroport nga momenti kur bëhet operacional fillon si aeroport lokal dhe ka një procedurë certifikimi për t’u bërë ndërkombëtar që zgjat 50-60 ditë dhe pasi bëhet certifikimi dhe gjatë këtyre javëve do të bëhen edhe marrëveshjet me kompanitë ajrore, që do u japin mundësi të gjithë kësaj zone të rajonit tonë.
Aeroportet janë fabrika buke” tha Rama. Pra linja direkte nga aeroporti i Kukësit për në vendet e tjera do të realizohet në momentin që do të merret certifikimi ndërkombëtar, deri atëherë është lokal.
