“Në kabinetin tim asnjë ministër i mëparshëm” Basha del që në mëngjes në ekran dhe bën premtimin e madh

Kryetari i Partisë Demokratike Lulzim Basha është shfaqur sot në mëngjes në programin “Koha për tu zgjuar” të gazetarit Bashkim Hoxha.

Gjatë intervistës, lideri i opozitës ka bërë një premtim, ku u ka garantuar shqiptarëve se në kabinetin e tij nuk do të ketë asnjë ministër të qeverisë së ish-kryeministrit Sali Berisha.

Basha ka shpjeguar se do të emërojë ata persona që mbajnë peshën e qeverisë, zonja dhe zotërinj të spikatur.

“Normal që jo. Uji rrjedhë. Në qeverisjen time nuk do ketë anëtarë të kabinetit që kanë shërbyer në të kaluarën. Por do ketë anëtarë që do jenë në gjendje të mbajnë peshën e qeverisë.

Kabineti do përbëhet nga zonja dhe zotërinjtë spikatur, të cilët do të bëjnë të mundur krijimin e një kulture të re polikte. Siç na takon, sepse jemi një brez i ri. E kemi njohur nga afër avantazhin e të bërit politikë në Europë”, u shpreh Lulzim Basha, i cili mesa duket është i vendosur që të mbajë larg posteve të gjithë ministrat e mëparshëm që kanë shërbyer në qeverinë Berisha.

🎙️ Podcast “Money Hour” | Fast News Economy

🏛️ LIGJET E BIZNESIT–Ligji në Kohë Reale për Biznesin Modern