Muaji prill do të jetë më romantiku për këto 3 shenja!

Muaji prill mund t’ju çojë në një fazë të re të jetës në aspektin e dashurisë. Afërdita vazhdon udhëtimin e saj përmes Dashit, duke shtuar një ndjenjë të fortë impulsi dhe padurimi në përpjekjet tuaja romantike. Nëse jeni duke kërkuar diçka të shkurtër dhe të ëmbël, ky planet është me ju. Nga ana tjetër, më 19 prill, Dielli do të ndriçojë shenjën e tokës, Demin, duke e vënë theksin te stabiliteti dhe siguria. Prandaj, çfarëdo lloj romance të kërkoni, mund ta gjeni këtë muaj, veçanërisht nëse jeni një nga shenjat e mëposhtme:

1. Peshorja: Marrëdhëniet kërkojnë vëmendjen tuaj të menjëhershme!

Ka pasur shumë aktivitete në zonën romantike të tabelës tuaj astrologjike këtë vit dhe ky muaj nuk bën përjashtim. Sigurohuni që të merrni kohë për të komunikuar nevojat tuaja para se të zhyteni me kokë në diçka serioze. Këtë muaj, fokusi do të përqendrohet më shumë tek të tjerët, prandaj mos harroni të vendosni kufijtë e nevojshëm në mënyrë që të mos lini pas dore nevojat tuaja.

2. Akrepi: Stabiliteti romantik është përparësia juaj kryesore!

Romanca ka patur disa ndryshime për ju që kur Urani u zhvendos në Dem vitin e kaluar, por Prilli po sjell një energji të qëndrueshme dhe të rehatshme në rrugën që lidhet me marrëdhëniet romantike. Nëse ndjeni mall për diçka të ëmbël dhe të thjeshtë, sezoni i Demit mund të sjellë një romancë të re, pikërisht në kohën e pranverës. Energjia rebele e Uranit do të jetë akoma e pranishme, kështu që kini kujdes nga çdo tronditje e papritur që mund t’ju vijë gjatë kësaj kohe. Mos harroni, ndonjëherë ndryshimi është i mirë.

3. Bricjapi: Është koha të çlirohesh pak!

Produktiviteti dhe stabiliteti financiar kanë qenë përparësitë tuaja kryesore këtë vit, por pranvera për ju, ka të bëjë me të ndjerit më e gjallë dhe kreative. Dielli do të ndriçojë shtëpinë tuaj të pestë, duke sjellë vëmendje më të madhe te argëtimi dhe kënaqësia. Shijojeni vëmendjen që do të merrni dhe thuajini “po” atij takimit që keni lënë pezull.

– As shenjat e tjera s’kanë pse të demoralizohen: Prilli s’do të jetë i keq as për ju!/anabel