LIGJET E BIZNESIT
Myftiu i Shkodrës, Muhamet Sytari sqaroi se gjatë muajit të Ramazanit lejohet injektimi i dozave të vaksinave kundër Covid-19.
“Patjetër, vaksinimi apo llojet e injeksioneve që nuk konsiderohen si ushqyese për organizmin janë të lejuara dhe nuk ka asgjë në përdorimin apo aplikimin e tyre”, u shpreh myftiu i Shkodrës për Euronews Albania.
“Nuk e prish agjërimin injektimi i vaksinave të ndryshme”, shtoi me tej ai.
Sipas tij, të gjithë besimtarët e sëmurë apo ata që kanë nevojë për ndërhyrje janë të justifikuar nëc qoftë se nuk agjërojnë gjatë muajit të shenjtë.
“Nëse ka të sëmurë, çfarëdolloj moshe që të jenë të moshuarit në veçanti apo njerëz të ndryshëm, që kanë sëmundje të pashërueshme, sëmundje që lidhen me lëngata të sheshta, që kanë nevojë për ndërhyre, pra që prishin sado pak atë rregullin, atë disiplinën e agjërimit të qëndruar pa ngrënë dhe pa pirë në këtë rast konkret, patjetër që ata janë të justifikuar dhe ka rregulla të caktuara për këto grupe njerëzish”, përfundoi myftiu.
