Ministrja e Arsimit bën publik lajmin: Javën tjetër të gjithë nxënësit rikthehen në shkolla 

Ministrja e Arsimit Evis Kushi, bëri të ditur lajmin se tashmë do të rihapen shkollat.

Në një deklaratë për mediat, Kushi tha se sfida e Maturës Shtetërore na pret përpara, duke shtuar se të gjithë bashkë, prindër, mësues e nxënës duhet të fitojmë këtë sfidë.

“Javën tjetër, nxënësit rikthehen në shkolla. Më lejoni që të falënderoj të gjithë mësuesit, për punën e madhe që kanë bërë gjatë këtij viti sfidues. Mirënjohje për mësuesit, një sfidë e madhe si Matura na pret përpara.

Përqafime të sinqerta për të gjithë ju nxënës të dashur. Një bravo të madhe për përgjegjshmërinë. Miirënjohje për prindërit, që bashkëpunuan dhe treguan solidaritet. Ta fitojmë përfundimisht këtë luftë të madhe”, deklaroi Kushi.