“Meta di vetëm të mbajë fjalën” Reagon Presidenca: Gjithë Shqipëria e di si i ka fituar Babloku zgjedhjet

Pas sulmit që iu bë Kreut të Shtetit Ilir Meta sot për mosdhënien e dorëheqjes ashtu siç e kishte premtuar nëse PS merrte mbi 71 mandate, presidenca ka dalë me një reagim të fortë.

Këshilltari i Metës Tedi Blishi, shkruan se nuk do të ketë dorëheqje, pasi sipas tij gjithë Shqipëria e di si i fitoi Rama këto zgjedhje, të cilit ai i referohet me pseudonimin “Babloku”.

“Për të gjithë sahanlëpirësit e Bablokut: Presidenti Meta di vetëm TË MBAJË FJALËN!

Presidenti Meta e ka bërë të qartë se nëse Edi Rama fiton 71 mandate në mënyrë demokratike do të japë dorëheqje.

E gjithë Shqipëria e di si i ka fituar Babloku këto zgjedhje, ndaj qetësohuni: NUK KA DORËHEQJE!”, shkruan Blushi në rrjetet sociale.