LIGJET E BIZNESIT
Google ka hedhur dritë mbi çështjen e 19-vjeçares shqiptare të zhdukur në Greqi. Mesazhet elektronike të fshira në e-mailin e saj, i japin në këtë mënyrë një kthesë të re çështjes.
Referuar mediave greke, Google shprehet se gjurmët e telefonit të saj dhe e gjithë historia elektronike janë fshirë nga një zonë tepër e veçantë, por pa e specifikuar se ku.
Kriminologu i Krimit Kibernetik dhe Ekzaminuesi i Provave Dixhitale Vassilios Georgopoulos, u shpreh se procesi i fshirjes së mesazheve nuk mund të bëhet nga gabimi i dikujt, por është bërë me qëllim.
“Duket se personi që i fshiu ato dinte të zhdukte gjurmët elektronike të telefonit të saj celular”, u shpreh Georgopoulos
Familja, së bashku me avokatin e çështjes, kërkuan një mendim ekspert mbi raportin e Google dhe caktuan Vassilios Georgopoulos si këshilltar teknik.
🎙️ Podcast “Money Hour” | Fast News Economy
🏛️ LIGJET E BIZNESIT–Ligji në Kohë Reale për Biznesin Modern
Ai do të ketë qasje në ekspertizën nga Prokuroria e Krimit Kibernetik. Georgiou u shpreh se përveç padisë ekzistuese për rrëmbim, u ngrit edhe ajo e vrasjes.
“Ne zyrtarisht kërkuam, me kërkesën tonë te Prokurori, që çështja jonë të hetohet nga Departamenti kompetent i Krimeve kundër Jetës së Sigurimit të Atikës”, tha avokati.
Historia e zhdukje së Artemis, ka nisur 5 muaj më parë, mëngjesin e 16 tetorit e cila doli nga shtëpia për të bërë një intervistë pune nga e cila nuk u kthye më kurrë.
Autoritet atje janë ende në kërkim të gjurmëve të reja të vajzës së humbur duke u mobilizuar me çdo mënyrë për gjetjen e saj.
