LIGJET E BIZNESIT
Gjatë fjalimit të fitores në sheshin “Skënderbej”, kryeministri Edi Rama u shpreh se ka qenë shumica e shqiptarëve ajo që i dha të drejtën për të qeverisur dhe një mandat tjetër.
Sipas tij kjo ka ardhur pasi me bekimin e popullit do të arrijë në majë.
“25 prilli, ishte e diela e fitores tonë të përbashkët”, tha numri një i qeverisë në mitingun e organizuar.
Ndërsa shprehu falenderime pë rata që e votuan, Rama i shtriu sërish dorën për bashkëpunim kreut të Partisë Demokratike Lulzim Basha, duke i thënë gjithashtu se duhet të pranojë humbjen në këto zgjedhje.
“Lulzim Basha dhe demokratët bënë fushatën më të mirë në fushatat e humbjeve. U them sinqerisht se më shumë se kaq nuk bëni dot, nuk e mundni dot Partinë Socialiste, se të mmundësh socialistët është njëlloj si të mendosh të mundësh Milanin e Sakit, Interin e Mourinhos apo Barcelonën e Guardialës.
Mesazhi im për Lulzim Bashën është ky: pranoje humbjen. Miq demokratë ne jemi më të mirët, ju jeni më të mirët pas nesh. Nuk na takon ne të themi se çfarë do të bëni ju me udhëheqjen Tuaj, por ne e kemi shumë të qartë, se përballjen e kemi me PD. Ju shtrijmë dorën e një bashkëpunimi të sinqertë, pa asnjë paragjykim dhe kufizim Partisë Demokratike. Unë dua të jem Kryeministër edhe i socialistëve dhe i demokratëve, edhe i atyre që nuk votuan fare”, tha Rama.
