Kush është Liliana e ‘tmerrshme’ që masakroi tre fëmijët e saj, më i vogli vetëm 6 muajsh

Një 30-vjeçare ka rënë në prangat e policisë pasi dyshohet se vrau tre fëmijët e saj në Los Angeles të SHBA, të gjithë nën moshën 5 vjeç.

Në kohën kur u arrestua Carrillo po udhëtonte me një Toyota të vjedhur, ndërsa menjëherë më pas autoritetet e identifikuan si të dyshuarën kryesore për vrasjen e 3 fëmijëve mëngjesin e së shtunës.

Sipas Departamentit të Policisë së Los Angeles (LAPD), të 3 fëmijët u gjetën të pajetë. Gjyshja e tyre tha se të vegjlit ishin të moshës 3 vjeç, 2 vjeç dhe 6 muajsh. Ishte ajo që i gjeti trupat e tyre të pajetë gjatë orëve të para së shtunës, përpara se të telefononte 911.

Një grua, e cila mësohet se kishte njohje me gjyshen e fëmijëve, duke folur për LA Times tha se nuk i kishte dëgjuar kurrë të bërtisnin dhe se ishin “fëmijë të bukur”.