Kryhet transplanti i parë i mushkërive në botë, pacienti me virus merr nga dhuruesi i painfektuar

Një operacion tejet i vështirë është kryer në Japoni. Një grua japoneze mushkëritë e së cilës u dëmtuan nga virusi i rrezikshëm ka kryer transplantin e parë të mushkërive në botë.

Sipas Spitalit Universitar të Kiotos gruaja iu nënshtrua operacionit i cili zgjati 11 orë nga një ekip prej 30 anëtarësh të cilën bënë transplantin e indeve të mushkërive të djalit dhe të burrit të saj.

Gjendja e saj tani është e qëndrueshme gjithashtu dhe burri dhe djali i saj, të cilët dhuruan pjesë të mushkërive të tyre, janë në gjendje të qëndrueshme.

Spitali tha se ky rast ishte i pari në të cilin indet e mushkërive ishin transplantuar nga dhuruesit e gjallë tek një pacient me koronavirus.

Doktori Hiroshi Date u shpreh se ky transplant u jep shpresë pacientëve të cilët vuanin nga dëmtimi i rëndë i mushkërive nga Covid-19.

“Ne demonstruam se tani kemi një mundësi të transplantimit të mushkërive (nga dhuruesit e gjallë). Mendoj se ky është një trajtim që jep shpresë për pacientët me dëmtime të mëdha të mushkërive nga Covid-19”- tha ai.

Kujtojmë që infektimi me Covid-19 në disa pacientë shkakton dëmtime të mëdha të mushkërive.