“Këtë herë nuk mjaftoi” Për herë të parë pas humbjes, Basha del në konferencë: Besoja se do ia kthenim demokracinë Shqipërisë

Për herë të parë pas humbjes, kryetari i Partisë Demokratike Lulzim Basha ka dalë në një konferencë nga selia blu.

Ai është shprehur se këtë herë besoi se do ia kthente demokracinë Shqipërisë, por shton se kjo gjë nuk mjaftoi.

“Të dashur shqiptarë e shqiptare, zonja e zotërinj, teksa muzgu i kësaj mbrëmjeje po bie mbi qytete e fshatra, mbi male e lugina, një tjetër hije po avitet në zemrat e mendjen e shqiptarëve anembanë vendit. A është ky muzgu i shpresës? Për Shqipërinë demokratike, normale e të zhvilluar, për Shqipërinë evropiane? Kmei shumë vite që luftojnë për demokracinë, u deshën shumë vite që të rrëzonim regjimin komunist, por ne ja dolëm. Ja dolëm se jemi njerëz të fortë, popull që beson te demokracia. Beteja jonë për demokraci ka vijuar pa ndërprerë cdo cast, cdo ditë, cdo muaj e vit anembanë Shqipërisë. Edhe këto muaj ne bëmë betejë për demokracinë. Unë besoja se falë fuqisë së mrekullueshme të popullit tonë ne do ta fitonim dhe do ja kthenim Shqipërisë demokracinë. Por këtë herë kjo nuk mjaftoi”, tha Basha gjatë fjalës së tij.