LIGJET E BIZNESIT
Kërcënohet me jetë një qytetar që filmoi një incident në takimin elektoral të ministrit të Turizmit Blendi Klosi, i cili kandidon në zgjedhjet e 25 prillit si deputet i qarkut të Beratit.
Mësohet se Xhimi Gjishti ka rënë pre e kërcënimeve, pas videos që filmoi dhe publikoi në rrjetet sociale, ku një banor i pranishëm në takim i është kthyer i revoltuar ministrit Klosi duke i thënë: “Çfarë votash kërkoni nga ne kur nuk keni berë asnjë për fshatin Drenovicë, keni vënë shtyllat dhe s’ka asnjë dritë”.
Pasi videoja u bë virale, shtetasi në fjalë deklaron se është kërcënuar në telefon nga shumë persona. Duke folur për gazetaren Petova, Gjishti deklaron se është marrë disa herë në telefon pa numër dhe është kërcënuar ai dhe familja e tij.
Ai deklaron se është kërcënuar për videon që ka bërë dhe ka frikë për veten dhe familjen, por edhe se mos dikush i dëmton prodhimin në sera dhe tokat bujqësore. Gjishti deklaron se ka frikë të denoncojë në polici, pasi nuk ka besim tek askush.
“Unë thjesht një fshatar dhe filmova për qejfin tim, për punën që s’jemi të kënaqur me pushtetin, filmova dhe e hodha videon. Tani më kërcënojnë, më thonë pse e hedh videon pa dijeninë tonë. Më kanë marrë në telefon me numër të fshehtë dhe më kanë fyer e ofenduar. Në telefon më kanë bërë sharje, por kërcënime jo, se e kam mbyllur telefonin. Kam frikë për serat, se kam disa sera.
🎙️ Podcast “Money Hour” | Fast News Economy
🏛️ LIGJET E BIZNESIT–Ligji në Kohë Reale për Biznesin Modern
Filmova se jemi të pakënaqur, një fshatar i joni foli për të drejtat e tij dhe unë e filmova. Ai foli për të tëra, investimet, ne s’kemi parë asgjë nga shteti. Ne jemi tetë anëtarë në familje dhe dua të mos kërcënohen e preken ata. Kur po filmoja vetë Blendi Klosi më tha ‘pse filmon, boll se ke shumë kohë që filmon’. I thashë çfarë problemi ke, unë do të filmoj”, shprehet banori i kërcënuar.
