Interi merr fitoren e nëntë radhazi, mposht Bolognan dhe vazhdon rrugën drejt titullit në Serie A

Interi ka marrë një fitore të vështirë në udhëtim te Bologna me rezultat 1-0 në ndeshjen e vlefshme për javën e 29-të në Serie A.

Ekipi i Antonio Contes ka vazhduar serinë mahnitëse duke arritur edhe fitoren e nëntë me radhë në kampionatin italian.

Pjesa e parë e ndeshjes ishte e barabartë nga të dyja skuadrat, por mysafirët ishin më konkret duke shënuar golin e vetëm.

Goli i vetëm në këtë pjesë erdhi në minutën e 32-të dhe ishte Romelu Lukaku, i cili shënoi nga afërsia për 0-1.

Në pjesën e dytë, përsëri u zhvillua lojë e barabartë, me të dyja skuadrat që patën rastet e veta.

Megjithatë, edhe përkundër rasteve nga të dyja ekipet, portat mbeten të paprekura në këtë pjesa dhe Interi iu gëzua në fund fitores 1-0.

Pas kësaj fitore, Interi e sheh veten në pozitën e parë me 68 pikë apo tetë më shumë se Milani i dyti, ndërsa Bologna zë vendin e 11-të me 34 pikë.

Në ndeshjen e radhës, Nerazzurrët e presin në shtëpi Sassuolon, ndërsa Bologna udhëton te Roma. /Telegrafi/