Histori suksesi/ I riu shqiptar pjesë e filmit amerikan: Do të flitet shqip

Arbër Loci, i riu shqiptar i cili jeton në Nju-Jork të Shteteve të Bashkuara të Amerikës do të marrë pjesë në filmin “Blood mixed”. Në këtë projekt të ri, ai do të ketë dy role.

Arbri ka treguar më tepër rreth eksperiencës së re si dhe dëshirës për të nisur studimet e larta në aktrim.

“Ky është filmi i parë ku luaj, producenti më pa duke u stërvitur në arte marciale dhe më bëri ftesë të provoj të luaj në filmin e tij”, – rrëfen Loci në një intervistë për emisionin “Shqipëria live”.

Arbri flet edhe për dy rolet që do të ketë në film. “Është një rol që jam me maskë dhe në pjesën e dytë, pjesa kryesore, është fundi i filmit. Personi që jeton duhet të më vrasë mua në fund që të vdes vetë”.

Arbri 19-vjeçar zbulon se është në rolin e një shqiptari dhe se në film do të flitet shqip por pa treguar më tej se për çfarë bëhet fjalë.

“Ky është filmi i parë ku luaj. Në shtator do të filloj shkollën e lartë për aktrim”, rrëfen i riu.