“Grushti është i popullit” Meta zbret në terren pas votimit: Ja çfarë i kërkova Soreca-s

Pak orë pasi votoi, presidenti Ilir Meta ka zbritur në terren ku ka monitoruar procesin zgjedhor në Elbasan.

Ai u shpreh se i ka kërkuar ambasadorit të BE në vendin tonë, Luigi Soreca që të përqëndrojnë vëmendjen pikërisht në këtë qark.

“Kujt nuk i pëlqejnë dy gishta, unë i ngrej grushtin. Po grushti është i popullit. Dy gishtat janë të demkracisë dhe fitores së kushtetutës, për ti forcuar themelet e votës së lirë sot në Elbasan dhe gjithë Shqipërinë.

Erdha sepse kishte problem teknike, fola edhe me ambasadorin e BE-së që të përqendrohen pak këtu. Sepse ka arsye, po ti referohemi ngjarjes së ndodhur para disa ditëve të Elbasan.

Si kryetari i shtetit, ftoj policinë e Elbasanit të ndalojë të gjithë ata që janë përfshirë në ngjarjen e para disa ditëve.

Sepse përgjegjësia do të jetë e jashtëzakonshme nëse ndodh dicka. Kam marrë edhe siguri nga ana e zotit Bardhi se opozita do të jetë për garantimin e zgjedhjeve të qeta.

Të votojnë që në Elbasan të mbretërojë paqja dhe arsimi sot e 100 vite”, tha Meta.

Në vijim ai theksoi se përfaqësuesit e tij do të jenë gjatë gjithë kohës në terren për të mbikëqyrur procesin e votimit, ashtu sic do jenë edhe përfaqësuesit e BE , kështu që qytetarët të rrinë të qetë se vota e secilit do të numërohet.

“Unë shpresoj të mos ketë nevojë që të rikthehem në Elbasan ditën e sotme”, tha Meta.