Grida Duma: Të rinjtë ëndërrojnë pasurimin brenda ditës. Duan makina, telefona të mirë, veshje firmato

Kandidatja e Partisë Demokratike në Tiranë, Grida Duma bashkë me kryetarin Lulzim Basha ka zhvilluar ditën e sotme një takim me studente dhe profesioniste të reja në fusha të ndryshme.

Gjatë takimit, Duma ka diskutuar dhe rreth një prej temave më shqetësuese për vendin, , fakti që të rinjtë ëndërrojnë pasurimin brenda ditës.

Sipas saj, këto gjëra janë; makina e mirë, telefoni i mirë, veshja firmato të cilat janë kthyer në model dhe se kjo gjë duhet të shkatërrohet njëherë e përgjithmonë.

Grida Duma: Si t’i afrohemi brezit të ri? Problemi që kanë është çështja e ëndërrimit. E gjen kudo, po të takosh një adoleshent, nuk di të të kthejë një përgjigje. Sepse modeltet që ka rreth e qark modelt me lekë. Leku nuk blen gjithçka. Ai që do të bëjë para me anë të punës nuk është i barabartë me atë që e bën përmes korrupsionit. Kjo gjëja për t’u bërë i pasur brenda ditës po e shkatërron Shqipërinë. Është kthyer në modeln makina e mirë, telefoni i mirë, statusi i veshjes firmato, sigurisht që janë të këndshme dhe çdokush do t’i donte. Të thonë shpesh sa lekë ke, je çuni i filanit, i filanes. Duhet ta rrëzojmë këtë.

Lulzim Basha: Paraja nuk vblen gnjithçka, nuk blen dot dashuri, nuk blen dot shokë. Çdo gjë e blerë me lekë është false. Cila është fjala e kundërt e vetmisë? Harmonia. A e blen leku harmoninë? Ështe e vërtet kjo harmoni? Kush ka vrapuar pas lekut dhe ka përfunduar me familje, shoqëri të vërtetë, me dashuri rrethuar? Paraja nuk blen gjithçka, por arsimi, kultura. Këto janë mekanizam që një shoqëri i jep individit atë që i takon. Nuk duhet ta pengojmë individin, por ta ndihmojnë atë.