Fleta e votimit/ Ambasadori britanik: Të dakordësohet në kohë dhe të jetë e qartë

Ambasadori i Britanisë së Madhe në Tiranë, Duncan Norman, ka reaguar për fletën e votimit të zgjedhjeve të 25 prillit.

Norman shkruan në Twitter se duhet që fletët e votimit të dakordësohen në kohë, për t’u dhënë votuesve mundësi të përshtatshme të familjarizohen përpara Ditës së Zgjedhjeve.

Postimi i ambasadorit britanik në Tiranë, Duncan Norman:

E rëndësishme që fletët e votimit të dakordësohen në kohë, për t’u dhënë votuesve mundësi të përshtatshme të familjarizohen përpara Ditës së Zgjedhjeve.

Por ato duhet të jenë gjithashtu të qarta, që votat të numërohen për partinë dhe kandidatin, sipas synimit të votuesit.”