Fier/ Humb jetën e reja shtatzënë, shpëton fëmija (Foto+Detajet)

Bëhet fjalë për një 31-vjeçare nga Mallakastra. Gazetari Ervis Kuçi raporton për ‘BalkanWeb’ se Elisabeta Lamaj sapo kishte bërë spinalen, ishte ndjerë keq dhe kishte ndërruar jetë pak çaste më vonë. Të gjendur në këto kushte mjekët kishin ndërhyrë për të shpëtuar fëmijën.

Përmes operacionit u bë e mundur shpëtimi i foshnjës vajzë. Pasi morën vesh lajmin familjarët e viktimës kanë hedhur akuza ndaj mjekëve të spitalit të Fierit, ndërsa kanë bërë edhe denoncim në polici. Pritet që prokuroria të nisë hetimet. Bëhet me dije se viktima do të bëhej nënë për herë të dytë.