E rëndë në Tiranë/ Pas sherrit 2 vëllezërit i ngulin thikën 34-vjeçarit, policia i shpall në kërkim

Një ngjarje e rëndë është shënuar mbrëmjen e djeshme në periferi të Tiranës.

Dy persona janë shpallur në kërkim pasi kanë plagosur me thikë një 34-vjeçar në zonën e Yzberishtit.

Sipas policisë bëhet fjalë për shtetasit Mario Basha dhe Bruno Basha 26 dhe 29 vjeç (vëllezër) të cilët kanë plagosur 34 vjeçarin Valter Çela  pas një sherri për motive banale.

Grupi i hetimit po punon për zbardhjen e shkaqeve të plota të sherrit si dhe kapjen e autorëve.

“Më datë 08.04.2021, u referuan materialet në Prokurorinë pranë Gjykatës së Shkallës së Parë Tiranë, dhe punohet për kapjen e shtetasve B. I(B)., 29 vjeç, dhe M. B., (B), 26 vjeç, sepse  në rrugën “Veli Dedi”, për motive të dobëta, kanë goditur me mjet prerës (thikë), shtetasin V. Ç, 34 vjeç, dhe me sende të forta shtetasin E. Sh., të cilët ndodhen në spital, jashtë rrezikut për jetën. Punohet për kapjen dhe shoqërimin e tyre”, njofton Policia.