LIGJET E BIZNESIT
Kanë kaluar pothuajse dy orë nga nisja e procesit të votimit në të gjithë Shqipërinë.
Por në disa nga qendrat fillimisht janë regjistruar probleme teknike, ku si pasojë është dashur që komisionerët të mos nisin nga puna që në 07:00.
Ndërkohë ka ardhur edhe reagimi i parë nga trupa e ambasadorëve të akredituar në Shqipëri. Ambasadori i BE-së Luigi Soreca, njofton se në të gjithë vendin ambasadat kanë vendosur 50 ekipe në terren, që do të ndjekun nga afër procesin e votimit.
“Dita e zgjedhjeve! Qytetarët shqiptarë po votojnë për Parlamentin e ri. Delegacioni i BE-së, Shtetet Anëtare dhe Zvicra kanë vendosur 50 ekipe në terren për të ndjekur procesin e votimit dhe numërimit. Shihni hartën, BE-ja qëndron me të gjithë qytetarët në ditën e zgjedhjeve!”, shkruan Soreca në një postim në rrjetet sociale.
Burime bëjnë me dije se ambasadorja amerikane Yuri Kim do të jetë sot në qarkun e Shkodrës, ndërkohë që Soreca do të pozicionohet në Elbasan, dy prej qarqeve ku mund të ketë edhe përplasje të forta mes palëve politike.
🎙️ Podcast “Money Hour” | Fast News Economy
🏛️ LIGJET E BIZNESIT–Ligji në Kohë Reale për Biznesin Modern
Derimë tani procesi i votimit në vend është duke ecur normalisht, me përjashtim të disa vonesave që kanë të bëjnë me funksionimin e paisjeve të leximit elektronik të mjeteve të identifikimit.
