Detaje të rënda/ Pesë të plagosur nga sulmi brenda xhamisë në Tiranë, arrestohet autori (EMRI-FOTO)

Një ngjarje e rëndë ka ndodhur sot në mesditë në xhaminë “Dine Hoxha” në Rrugën e Kavajës në Tiranë.

Mësohet se një person i identifikuar si Rudolf Nikolli, 34-vjeç nga Burreli ka qëlluar me thikë 5 besimtarë që ndodheshin në xhami.

Sipas informacioneve të policisë të plagosurit janë dërguar në spital dhe ndodhen jashtë rrezikut për jetën.

NJOFTIMI ZYRTAR I POLICISE:

Rreth orës 14:30, në Rrugën e Kavajës, një shtetas është futur në ambientet e një kulti fetar  (xhami) dhe në rrethana ende të paqarta ka plagosur me mjet prerës 5 shtetas.

Ju bëjmë me dije inicialet e tyre :

D. K., rreth 35 vjeç, S. P., rreth 22 vjeç, M. K., rreth 24 vjeç, K. J., rreth 26 vjeç dhe A. T., rreth 23 vjeç, të cilët ndodhen në spital, nën kujdesin e mjekëve, jashtë rrezikut për jetën.

Falë reagimit profesional dhe të menjëhershëm të shërbimeve të Policisë është bërë i mundur  neutralizimi dhe prangosja e autorit të dyshuar, shtetasi Rudolf Nikolli 34 vjeç, nga Burreli,  i cili po shoqërohet në ambientet e Drejtorisë Vendore të Policisë Tiranë, për veprime të mëtejshme.

Ndërkohë, shërbimet e Policisë iu kanë dhënë ndihmën e  parë shtetasve të lënduar, të cilët janë transportuar në spital, për ndihmë mjekësore dhe ndodhen jashtë rrezikut për jetën

Në vendngjarje ka mbërritur grupi hetimor dhe nën drejtimin e Prokurorisë vijon puna për sqarimin e rrethanave dhe dokumentimin e plotë ligjor të ngjarjes.