LIGJET E BIZNESIT
Tre javë përpara zgjedhjeve elektorale të 25 prillit, zhvillime të reja vinë nga kampi i së djathtës.
Mësohet se përfaqësuesi i PD Ivi Kaso, ka kërkuar që Bindja Demokratike të ndyshojë logon e saj pasi është e ngjashme me logon e Partisë Demokratike që mban prej 30 vitesh.
Kaso u shpreh para trupit gjykues të Kolegjit Zgjedhor se kjo logo e vendosur në shkallë të zvogëluar në fletën e votimit mund të ngatërrohet lehtësisht.
Gjithashtu ai foli dhe për fletën e votimit, ku tha se PD e kërkon me emra dhe se e vetmja gjë që dëshiron si ndryshim është ajo ku partitë dhe kandidatë të jenë të vendosura në formë vertikale dhe jo horizontale si vendosi Celibashi.
“Formati me emra i orientuar vertikalisht përmbush më mirë parimin e qartësisë, sondazhi i KQZ nxori fitues pikërisht këtë model, me kriteret e tjera të fletës jemi dakord. Duke konsideruar që ligji flet për kandidatë, pra nënkupton referimin e kandidatit me emër dhe mbiemër. Së dyti, logoja e Bindjes Demokratike.
Ishte akti i Kryekomisionerit që na njohu vetëm me datë 31 mars me logon e Bindjes Demokratike që ishte shumë e ngjashme me atë që mban PD prej 30 vitesh, po atë ditë i dërguam një kërkesë që sipas ligjit, KQZ ta zgjidhte këtë çështje. I kërkuam BD ta ndryshonte”, tha Kaso.
