Basha uron katolikët për Pashkët dhe jep mesazhin: Sot si asnjëherë më parë jemi në udhëkryq 

Kryetari i Partisw Demokratike Lulzim Basha, ka uruar të gjithë besimtarët katolikë me rastin e ditës së Pashkave.

Në një postimi në Facebook, Basha shkruan se kremtimi i Pashkëve shënon triumfin mbi të keqen dhe forcën e jashtëzakonshme të ringjalljes dhe dashurisë.

Basha teksa uron besimtarët katolikë ka dhënë edhe mesazhin, ku shkruan “si asnjëherë më parë jemi në udhëkryq, të gjithë së bashku le të gjejmë forcën për të kapërcyer çdo vështirësi me zemrat e mbushura me besim se aspiratat tona do të bëhen realitet”.

Postimi i plotë i Bashës:

Nga zemra ju uroj Gëzuar Pashkët të gjithë besimtarëve katolikë.

🎙️ Podcast “Money Hour” | Fast News Economy

🏛️ LIGJET E BIZNESIT–Ligji në Kohë Reale për Biznesin Modern

Kremtimi i Pashkëve shënon triumfin mbi të keqen dhe forcën e jashtëzakonshme të ringjalljes dhe dashurisë. Sot, kur si asnjëherë më parë jemi në udhëkryq, të gjithë së bashku le të gjejmë forcën për të kapërcyer çdo vështirësi me zemrat e mbushura me besim se aspiratat tona do të bëhen realitet.

Prandaj ju motra e vëllezër që po kaloni vështirësi shëndetësore, nëna dhe baballarë që sot jeni në pamundësi ekonomike, të rinj e të reja që mendoni emigrimin, mbushini zemrat tuaja me shpresë se ditë më të mira po vijnë.

Zoti e bekoftë Shqipërinë.

Për shumë vjet gëzuar!