“Ata janë djem të mirë”/ Shokon babai, mbron ata që i për dhu nuan vajzën 18-vjeçare

“Vajza ime ju tha disa fakte të pavërteta, ajo ishte e dehur dhe për këtë arsye ajo nuk ishte në gjendje të kuptonte se çfarë po ndodhte. Këta janë djem të mirë, dëmtimet që vajza ime ka në krahë janë për shkak të miqve të saj që përpiqen ta sjellin në shtëpi, por ajo ishte e dehur dhe po rezistonte”, kështu tha një baba, në mbrojtje të përdhunuesve të së bijës.

Por  autoritetet, mendojnë se ai nuk po tregon të vërtetën. Sipas mediave disa njerëz mendojnë se i ati i vajzës është kërcënuar nga të rinjtë.

Po çfarë ndodhi?

Ngjarja e pazakontë ka ndodhur në Itali, ku babai i vajzës 18-vjeçare e cila u përdhunua nga një grup të rinjsh në një festë, ka dalë kundër vajzës së tij dhe ka mbrojtur përdhunuesit e vajzës.

Sipas mediave italiane, ai tha para policisë se vajza ka qenë e dehur, duke i dalë në mbrojtje të rinjëve.

Historia e 18-vjeçares filloi më 7 shkurt kur ajo shkoi në një festë dhe u besoi katër të rinjve, të cilët tani ndodhen nën akuzat e sulmit seksual dhe dy prej tyre ndodhen në burg.