Aksident i rëndë/ E përplas makina, ndërron jetë drejtuesi i motorit (EMRI)

Një aksident i rëndë automobilistik ka ndodhur pasditën e sotme në fshatin Zharrëz të Fierit.

Mësohet se shtetasi me iniciale E.S 33 vjeç, banues në Patos, duke drejtuar automjetin tip “Opel” është përplasur me një motor me drejtues shtetasin Ardjan Hoxha rreth 50 vjeç, banues në fshatin Zharrëz.

Për pasojë ky i fundit ka humbur jetën.

“Sot rreth orës 13:45, në fshatin Zharrëz, Patos, shtetasi E. S., 33 vjeç, banues në Patos, duke drejtuar automjetin tip “Opel” është përplasur me një motomjet me drejtues shtetasin A. H., rreth 50 vjeç, banues në fshatin Zharrëz.

Si pasojë e përplasjes ka ndërruar jetë drejtuesi i motomjetit. Eshtë shoqëruar drejtuesi i automjetit dhe po kryhen veprimet procedurale. Grupi hetimor po punon për zbardhjen e plotë të ngjarjes”, thuhet në njoftimin zyrtar të policisë.