Aksident fatal/ Përplasen dy makina në autostradën Tiranë-Durrës, humb jetën një grua

Një aksident automobilistik ka ndodhur pak më parë në autostradën Tiranë-Durrës.

Mësohet se si pasojë e përplasjes së dy makinave, ka humbur jetën një grua.

Sipas njoftimit të policisë rreth orës 13:10, në autostradën Tiranë-Durrës, janë përfshirë në aksident rrugor 2 mjete me drejtues shtetasit M.K. dhe Sh.P.

Për pasojë ka ndërruar jetë pasagjerja në njërin mjet, shtetasja Sh.Ç., 60 vjeçe.

Të dy drejtuesit e mjeteve janë shoqëruar në ambientet e Policisë, për veprime të mëtejshme.

Grupi hetimor ndodhet në vendngjarje dhe po punon për zbardhjen e rrethanave të aksidentit.