LIGJET E BIZNESIT
Me anë të kandidates për deputete në qarkun e Fierit Kejdi Mehmetaj, Lëvizja Socialiste për Integrim ka denoncuar se policia e këtij qyteti ka hequr banderolën e kësaj force politike, pasi sot pritet që kryeministri Edi Rama të zhvillojë aty një takim.
Mehmetaj tha e shqetësuar se ky është një provokim i madh.
“Siç e shikoni edhe vet, u hoqën në mënyrë të paligjshme banerat që LSI kishte vendosur. Sipas përcaktimit të Kodit Zgjedhor përmes një kontrate qiraje, të vulosur dhe firmosur përballë një noteri, ne si subjekt politike kemi marrë me qira ambientet e godinës. Ne kemi vendosur brenda përcaktimeve edhe materialet tona propagandistike. Në datën 15 ka ardhur një shkresë nga bashkia e Fierit drejtuar LSI, që nuk ka asnjë lloj specifikimi. Por pas konsultimet me KQZ-në dhe avokatët ne i kemi kthyer një përgjigje në datë 16.
Pas kësaj situate nuk kemi pasur më probleme. Sot para takimit me kryeministrit, me ç’duket e ka alergji të shikoj LSI-në, edhe një baner e tmerron, nxjerr punonjës të bashkisë që pa lajmëruar askënd, shkojnë si hajduta, marrin shkallës e ngjiten, as kërkojnë të hapet dera. E vetmja gjë që i kemi kërkuar bashkisë së Fierit është me ca të drejte kanë hequr materialet tona.
Një punonjës i bashkisë ka kërkuar të hiqen banerat sepse nuk do ti shohë kryeministri. Punonjësi e di vetë kush është dhe me kë ka komunikuar. I kërkuam punonjësit kush është shefi, kërkuam të komunikojmë me drejtorin, drejtori iku sapo na pa ne. Kërkuam të takonim kryetarin e bashkisë së Fierit, ai nuk pranon të takohet me ne.
🎙️ Podcast “Money Hour” | Fast News Economy
🏛️ LIGJET E BIZNESIT–Ligji në Kohë Reale për Biznesin Modern
A ka provokim më të madh se sa ky? E vetmja gjë që kërkojmë është që bashkia të rikthejë banerat. Do bëjmë gati kallëzimin në Prokurori për prekje të materialeve propagandistike”, shprehet Kejdi Mehmetaj.
