LIGJET E BIZNESIT
Pas reth tre muajsh nga zhdukja e biznesmenit italian, Italia duket se nuk ka shpresa për të zbardhur ngjarjen e ndodhur në Pukë të Shqipërisë, ku makina ku udhëtonte Davide Pecorelli u gjet e djegur dhe ai zyrtarisht tashmë është i zhdukur.
Eshtrat në makinën e djegur në datën 6 janar, në makinë ku udhëtonte Pecorelli e bëjnë të pamundur identifikimin me anë të metodës së ADN-në, me familjarët e tij, vëllanë apo edhe fëmijët. Në këtë konkluzion kanë arritur hetuesit italianë.
Gazeta “Il Messaggero”, shkruan se grupi hetimor, i ngarkuar me çështjen nga Prokurori Publik i Perugia-s, Prokurori i Përgjithshëm Raffaele Cantone dhe prokurori Giuseppe Petrazzini kanë kërkuar materiale shtesë nga ana e hetuesve shqiptarë.
Duke presupozuar se materiali biologjik është akoma i disponueshëm në vend, nuk është e mundur që të parashikohet data e dërgesës në Itali dhe mbi të gjitha, vlefshmëria e tyre për një ekzaminim të besueshëm.
Nga Tirana hetimi është për rrëmbim. Nuk mungojnë hipotezat kriminale, si dhe elementet që – në një kontekst të këtij lloji që nuk mund të lihen kurrsesi në harresë.
🎙️ Podcast “Money Hour” | Fast News Economy
🏛️ LIGJET E BIZNESIT–Ligji në Kohë Reale për Biznesin Modern
Davide Pecorelli, i lidhur me një shqiptare, përveç se arbitër futbolli zotëronte po ashtu dhe bizneset hotelerike dhe në sallonet e bukurisë. Ai arriti në aeroportin e Rinasit në datën 3 Janar nga ku ai mori me qira një Skoda Fabia, e gjetur e shkrumbuar ditë më vonë e djegur në rrugën e vjetër nga Shpali për në Pukë, jo shumë larg fshatit Gjegjan.
Në makinën e shkrumbuar u gjenden disa eshtra, një telefon celular, një orë që së bashku me kontratën e qirasë së makinës.
