29-vjeçarja e prekur nga virusi solli në jetë vajzën pas ndërhyrjes delikate/ Ja lajmi i mirë që jep Manastirliu

Koronavirusi ka pasur ndikim të thellë tek gratë shtatëzana. Një rast i tillë është edhe rasti i Besmirës. Besmira ka sjellë në jetë vajzën pas një ndërhyrje delikate, me komplikacione të rënda.

Pas dy javësh në terapi intensive, 29-vjeçarja dhe foshnja kanë arritur ta fitojnë betejën me jetën dhe të rikthehen në shtëpi së bashku.

Lajmin e ka bërë me dije ministrja e shëndetësisë, Ogerta Manastirliu.

“Besmira dhe foshnja e saj e fituan betejën e jetës, në përballjen e vështirë me #covid19, falë profesionalizmit dhe përkushtimit të bluzave të bardha?

? Pas ndërhyrjes tejet delikate për të sjellë në jetë vajzën, 29-vjeçarja nga Kukësi, me komplikacione të rënda si pasojë e covid19, ia doli mbanë??

Punë e shkëlqyer e ekipit të spitalit “Shefqet Ndroqi” dhe “Koço Gliozheni”, të cilët bënë të mundur që Besmira dhe vajza e porsalindur, pas dy javësh të vështira në terapi intensive, të kthehen shëndosh e mirë në shtëpi???

#Krenare për mjekët dhe infermierët” shkruan Manastirliu në postimin e saj.