18-vjeçarja në bashkëpunim me të dashurin vr et të atin pasi nuk aprovonte lidhjen e tyre

Një ngjarje e rëndë është regjistruar në Itali. Në bashkëpunim me të dashurin e saj, një 18-vjeçare ka vrarë të atin, pasi ky i fundit  nuk i aprovonte asaj marrëdhënien me djalin.

Mediat e huaja shkruajnë se 18-vjeçarja Elena Gioia, së bashku me  23-vjeçarin Giovanni Limata, kanë dashur që të vrisnin nënën e motrën e saj, që  po ashtu kundërshtonin marrëdhënien mes të rinjve.

Besohet se djali ka qëlluar 53-vjeçarin shtatë herë me një thikë gjuetie, teksa ishte duke fjetur në divanin e dhomës së ndenjes.

Fillimisht viktima kishte mbijetuar dhe kishte arritur që të lajmëronte të shoqen dhe të bijën, por që fatkeqësisht nuk ka arritur që t’i mbijetonte plagëve, duke ndërruar jetë në sptal.

Të rinjtë u arrestuan në shtëpinë e saj disa orë pas krimit dhe kanë pranuar ngjarjen e rëndë gjatë marrjes në pyetje.

Policia beson se dyshja e kishin hartuar planin e tyre kohë më parë, madje do të simulonin një grabitje në shtëpinë e Elenës për të mbuluar gjurmët e krimit të rëndë.