Zbulohet misteri/ OBSH dhe Kina nxjerrin studimin: Ja origjina e virusit

Pas një viti që pandemia ka pushtuar botën, vijojnë të dalin detaje të reja mbi origjinën e virusit.

Një studim që nuk është botuar ende, i kryer nga shkencëtarë të Kinës dhe OBSH ka hedhur më shumë dritë.

Sipas agjencisë Associated Press, skenari më i mundshëm është ai i transmetimit të virusit nga lakuriqët e natës të njerëzit përmes një kafshe tjetër.

Po ashtu, në studim theksohet se mundësia e daljes së virusit nga një laborator është gati-gati i pamundur.  Sipas një drafti paraprak të siguruar nga The Associated Press, studimi jep pak më tepër detaje në mënyrën se si shkencëtarët erdhën në këtë përfundim, por por sërish lënë shumë pyetje të papërgjigjura.

Studimi i plotë pritet të bëhet publik nesër por vonesat e herëpashershme kanë bërë që të ngrihen dyshime nëse agjentë kinezqë po përpiqen të ndërhyjnë në përfundimet e nxjerra. Raporti është “bazuar kryesisht” në një vizitë që një ekip ekspertësh ndërkombëtarë bëri më parë këtë vit në Ëuhan të Kinës ku u shfaq për herë të parë koronavirusi.