Tragjedia e Gërdecit/ Sot 13 vite nga shpërthimi që i mori jetën 26 personave, mbi 300 u plagosën

Askush nuk e harron ditën e 15 marsit të vitit 2008.

Bëhet fjalë për tragjedinë e Gërdecit, ditën ku si pasojë e një shpërthimi të fuqishëm në fabrikën e demontimit të armëve humbën jetën 26 persona.

Sot shënohen plot 13 vite nga dita e ngjarjes së rëndë.

Përveç viktimave, pati dhe 300 të plagosur dhe dëmet materiale ishin të panumërta.

Vit për vit, me përjashtim të kaluarit ku kishte izolim total, familjarët e viktimave zhvillojnë homazhe te Memoriali i viktimave, në periferi të fshatit Gërdec.

🎙️ Podcast “Money Hour” | Fast News Economy

🏛️ LIGJET E BIZNESIT–Ligji në Kohë Reale për Biznesin Modern

Nuk dihet nëse kjo traditë do të përsëritet edhe sot, pasi të mbijetuar e asaj ngjarjeje të rëndë, ende kërkojnë drejtësi për njerëzit që humbën.

Për këtë tragjedi prokuroria dërgoi 28 të pandehur në gjykatë ndërkohë që Fatmir Mediu, në atë kohë ministër i Mbrojtjes i shpëtoi gjykimit pasi kishte mandatin e deputetit. Mihal Delijorgji, president i shoqërisë Albademi, Ylli Pinari, drejtor i MEICO dhe Dritan Minxholli, administrator i fabrikës Albademi, ishte treshja e të pandehurve kryesorë për Tragjedinë e Gërdecit.