LIGJET E BIZNESIT
Policia italiane ka vënë në pranga një 32-vjeçar shqiptar, pasi kishte disa shtëpi jashtë qytetit të banimit dhe i përdorte si depo droge.
Ai u ndalua teksa po kërkonte makinën pasi kishte mbaruar kontrollin në një prej shtëpive. Policia i sekuestroi atij pothuajse një kg dhe disa doza kokainë në vendin ku u ndalua. Pas kësaj, agjentët kryen kontrolle në shtëpitë e shqiptarit dhe në njërën prej tyre gjetën 110 kg hashash, 40 kg marijuanë dhe rreth 1,1 kg kokainë.
Mediat italiane shkruajnë se në një tjetër shtëpi, e cila përdorej nga 32-vjeçari u gjetën 15 kg marijuanë. Gjithsej, u sekuestruan rreth 170 kg drogë dhe shqiptari, identiteti i të cilit nuk është zbuluar ende është arrestuar nga policia dhe akuzohet për tregtimin e lëndëve narkotike.
