Shoferi mbush makinën me benzinë e ikën pa paguar asnjë kokërr leku/ ‘Lë peng’ shokun e dehur

Policia e Romës ka njoftuar se një person me makinën e tij ndaloi në pikën e furnizimit në rrugën Jonio, ku e furnizoi me karburant.

Pasi kreu procedurën e mbushjes erdhi momenti që shoferi të paguante mirëpo klienti i thotë përgjegjësit të pikës së karburantit se nuk ka para me vete. Nisur nga një situatë e tillë, ai zgjedh të lërë peng shokun e tij të dehur.

Pasi policia mbërriti në vendngjarje, burri që mbeti në stacion dukej krejtësisht i dehur dhe nuk mbante mend se cili ishte i zoti i makinës.

Pronari i pikës së karburantit si dhe policia po kërkojnë të identifikojnë personin që mbushi makinën me karburant pa paguar, por deri më tani njeriu i lënë peng nuk ka bërë asgjë për t’i ndihmuar.