Rënia e shifrave/ Çomo: S’ka për të vijuar, në spitale  kemi ende numër të shtuar shtrimesh

Shefja e Infektivit, Najada Çomo ka folur në News24 për rënien e shifrave të COVID-19 në Shqipëri.

Ajo thotë se shifrat janë reale, por nuk ka për të vijuar me këtë trend, pasi në spitale ka ende numër të shtuar shtrimesh.

Ajo shprehet se të gjitha ditët kur vendi regjistronte mbi 1 mijë të infektuar, do të reflektohen tek shtrimet në spitale.

Shefja e Infektivit, masat e marra deri më tani i shikon si të vlefshme.

”Shifra është reale e personave të testuar, dhe atyre pozitiv. Në spitale numri vijon të jetë i shtuar, me pacientë të rënduar. Spitali nuk e ndjen ende numrin më të pakët.
Në bindjen time, nuk besoj që kjo do të jetë një gjë reale që do vijojë kështu. Jo se nuk ështe reale, por realiteti i personave të shtruar në spitale, me ato shifrat mbi 1 mijë që kemi dëgjuar, ata njerëz të infektuar, por një pjesë janë kontigjen për t’u shtruar në spitale.

Gjithmonë duhet thënë që në spitale vijnë personat që janë më rëndë. Humbja e jetës ndodh në kushte spitalore, ku vjen pacienti që është më rëndë.
S’ka lidhje me zgjedhjen. Gjithë bota vijon të ketë trendë të rritura, apo numrin e personave. Nuk mund të themi që është, kjo është gjë reale, e prekshme në gjithë Shqipërinë. Por mbyllja e orës, vendosja e maskës. Gjithë mbyllja e pjesshëm kanë reflektuar në uljen e infektimeve.
E vërteta është gjë kemi një numër disi më të ulët.”- tha Çomo.