Plasi grushti në Elbasan/ Kandidati për deputet i PD përleshet fizikisht me biznesmenin e njohur

Një përleshje fizike ka ndodhur sot mes kandidatit për deputet të Partisë Demokratike Luçiano Boçi dhe biznesmenit të njohur Gjergj Luca.

Ende nuk  dihet arsyeja e sherrit, por mësohet se përplasja është shënuar në një lokal të zonës në Labinot.

Burime bëjnë me dije se Luca fillimisht e ka kërcënuar Boçin dhe të dy më pas janë përplasur fizikisht. Si kandidati i PD për deputet dhe biznesmeni kanë bërë denoncimet e tyre në Prokurori.

Deri tani nuk ka asnjë reagim nga të dy personat e përfshirë në sherr, por dyshohet se shkak për përplasjen mes Boçit dhe Lucës ka qenë një takim elektoral i kandidatit të PD në një lokal në periferi të Elbasanit.

Biznesmeni ka shkuar aty me disa persona dhe është konfliktuar fizikisht me Luçiano Boçin.