LIGJET E BIZNESIT
Ditën e sotme shënohet një vit nga rasti i parë me C OVID19 në Shqipëri.
Kujtojmë se me 9 mars 2020, Ministria e Shëndetësisë konfirmoi në mesnatë dy të infektuarit e parë me virusin e rrezikshëm.
Rasti i parë ishte një 28-vjeçar i cili kishte udhëtuar nga Firence në Shqipëri me makinë në rrugë tokësore dhe pas kontaktit kishte infektuar edhe babanë e tij.
Që nga fillimi e deri më tani, është vënë re që ky virus i rrezikshëm nuk ka kursyer askënd, moshat e reja, të moshuar, nëna shtatzënë apo që sapo kishin sjellë në jetë një fëmijë, apo figura të dashura dhe me emër për publikun.
Edhe pas një viti, shifrat nuk paraqiten dhe aq optimiste.
🎙️ Podcast “Money Hour” | Fast News Economy
🏛️ LIGJET E BIZNESIT–Ligji në Kohë Reale për Biznesin Modern
Deri më tani në vend kanë humbur jetën 1,956 persona, ndërsa numri i përgjithshëm i të infektuarve ka shkuar në 113,580.
Aktualisht në spitalet C OVID në Tiranë dhe tre spitalet rajonale po trajtohen 646 pacientë, 40 në terapi intensive, nga të cilët 15 pacientë janë të intubuar.
Kujtojmë që në vend ka nisur dhe vaksinimi anti-Covid, që duket si shpresa e vetme për të mundur virusin dhe për t’u kthyer në normalitet.
