“Njëra enveriste, tjetra përfaqësuese e korrupsionit”/ Flamur Noka sulmon Luljeta Bozon dhe Najada Çomon

Ish-deputeti i PD-së Flamur Noka, nuk i ka kursyer akuzat për dy kandidadurat kryesore të PS në Tiranë.

Ai tha se Rama ka vënë në listën e kandidateve për deputet një enveriste, për Luljeta Bozon dhe një përfaqësuese të korrupsionit, duke nënkuptuar Najada Çomon.

“Gjithë historia e pandemisë është menaxhuar në mënyrën më të keqe nga qeveria. E gjithë çështja është keqpërdorur politikisht. Çështja e vaksinave është përdorur më rëndë në vend. I vetmi vend ku del kryeministri, për të pritur në aeroport 10, 20 apo 30 vaksina është Shqipëria. Kryeministri ka menaxhuar në mënyrë skandaloze pandeminë. Çdo shqiptar që është përballur me shëndetësinë, ka parë se Tirja ka qenë simboli i korrupsionit.

Luljeta Bozo është përfaqësuese e sistemit enverist. Rama me një enveriste dhe përfaqësuese të korrupsionit, kjo është Rilindja. Kjo sepse Rilindja nuk e kupton dot veten pa krim dhe korrupsion. Tirja-shëndetësia është një sistem i korruptuar shëndetësor skandaloz, që e ofron Rilindja. Komiteti Teknik në fakt është totalisht politik, i partisë”, u shpreh Noka në Frontlinë në News 24.

🎙️ Podcast “Money Hour” | Fast News Economy

🏛️ LIGJET E BIZNESIT–Ligji në Kohë Reale për Biznesin Modern