Një vit qera e paguar dhe 10 000 dollarë në muaj/ Tashmë e mundur falë… një kantine

Një kompani e prodhimit të verës në Kaliforni, ka bërë publik njoftimin për hapjen e një vendi të ri pune, për një periudhë njëvjeçare.

Ndërmarrja e njohur “Murphy-Goode Ëinery”, u shpreh se fatlumët që do të fitojnë këtë pozicion, jo vetëm që do të shpërblehen me një pagë goxha të majme, prej 10 000 dollarësh në muaj, mirëpo do të transferohen në Kaliforni, për të jetuar atje pa qira për një periudhë një vjeçare.

Në muajt e parë, kompania do të bëjë të mundur mbikqyrjen e punës së punonjësit për të kuptuar se në cilat procese konkrete të prodhimit të verës ata janë më të interesuar. Detyra kryesore për punonjësit do të jetë përvetësimi i njohurive për kultivimin e vreshtave, më vonë proceset e prodhimit të verës dhe shumë prej sekreteve të kësaj industrie.

Kompania, ka punuar gjithmonë me reklamimin e punës së saj, sidomos nëpër rrjetet e ndryshme sociale. Ky vit, u shoqërua me sfida të shumta, si rezultat i pandemisë dhe ndaj kompania vendosi që të realizojë një fushatë të tillë për të tërhequr vëmendjen e të gjithë të pasionuarve pas verës.

Kantina mirëpret të gjithë personat që janë mbi moshën 21-vjeçare.

🎙️ Podcast “Money Hour” | Fast News Economy

🏛️ LIGJET E BIZNESIT–Ligji në Kohë Reale për Biznesin Modern