LIGJET E BIZNESIT
Mjeku gjenekolog, ka deklaruar se shpeshherë kur situata e krijuar nga koronaviursi në vendin tonë,ka dëshirë që të marrë Ramën në telefon dhe t’i kërkojë që ai t’i besojë shëndetësinë. Sipas mjekut, për dy javë do i japi zgjidhje.
Halim Kosova i ftuar në emisionin “Open”, tha se ai është për masa më shumë shtrënguese dhe jo për hapje dhe mbyllje 2 orëshe, pasi këto taktika nuk e përmirësojnë fare situatën.
Sipas tij, në sistemin shëndetësor duhen profesionistë dhe njerëz që punojnë me dashuri dhe pasion për pacientin.
Kosova: Më vjen ndonjëherë ta marr Ramën në telefon dhe ti them; ore ma lë mua këtë punë në dorë dhe ta zgjidh për 2 javë. Mënyrat organizative janë të një impakti të rëndësishëm në shendetin publik.
Vasili: Nëse Rama e ka dëgjuar tani këtë dhe ju merr në telefon do jeni i gatshëm?
🎙️ Podcast “Money Hour” | Fast News Economy
🏛️ LIGJET E BIZNESIT–Ligji në Kohë Reale për Biznesin Modern
Kosova: Ja ta them në fund se çfarë mendoj unë.
Vasili: Si do e zgjidhni ju këtë situatë?
Kosova: Duhet një informacion i madh. Janë shumë kapacitete që nuk janë përdorur. Nuk ka njerëz pasionantë, nuk ka njerëz profesionistë. Ti nuk bëhesh profesionist se të emëron dikush në atë karrige. Unë jam rritur me pacientin, se ia di hallet dhe përpiqesh me gjithë shpirt ta ndihmosh atë.
Vasili: Do ishit për masa më shumë shtrënguese ju?
Kosova: Jam i prerë për masa shumë shtrënguese, por unë mendoj se jo se s’i mendon qeveria, por duke qenë se ka zgjedhje përpara, dhe po u mbyllëm do e rrënojmë më shumë ekonominë se nuk mund të mbyllemi dhe të mos paguhemi. Unë kam mendimin tim të konsoliduar, që sa më shumë do rrokulliset kjo situatë, hape në 6 mbylle në 5 etj, pa masa drastike, aq më e gjatë do jetë kjo, pasojat e pandemisë. Masat e prera 2 ose më shumë javë do sillnin një reduktim të madh të kovidit. Ne jemi një popullatë që kemi një edukatë shëndetësore të ulët, që merret që në fëmijëri nuk merret tani në pandemi.
