Lëndë plasëse në banesën e punonjësit të SHISH/ Dëshmia e tij: S’kam konflikte, por dyshoj se…

Të tjera detaje mësohen nga ngjarja e ndodhur në Burrel ku punonjësit të Shërbimit Informativ Shtetëror, Alfred Karaj, iu vu tritol në banesë, gjatë natës së kaluar.

Fatmirësisht në momentin e shpërthimit punonjësi i SHISH dhe familja e tij nuk ndodheshin në banesë, ndaj dhe nga shpërthimi ka pasur vetëm dëme materiale.

Shpërthimi ka qenë i fortë dhe ka krijuar panik te banorët e një pallati në bllokun e banimit të quajtur “Katrori”, ku janë thyer edhe xhamat e disa banesave të pallatit.

Punonjësi i SHISH, Alfred Karaj, ka treguar për Balkanweb, se e lidh ngjarjen me detyrën, dhe shprehet se nuk ka pasur konflikte të tjera.

Gjithashtu, nga Tirana kanë mbërritur edhe forcat anti-eksploziv për të asistuar në zbardhjen e ngjarjes dhe zbulimin e lëndës plasëse apo sasinë që ishte vendosur.

🎙️ Podcast “Money Hour” | Fast News Economy

🏛️ LIGJET E BIZNESIT–Ligji në Kohë Reale për Biznesin Modern