Lajme jo të mira/ Shfaqet mutacioni turk i Co vid, flasin shkencëtarët

Një version i ri i koronavirusit është shfaqur edhe në Turqi. Referuar mediave turke ditët e fundit ky lloj mutacioni është vënë re në qytetin Çanakkale. Ende nuk mund të dilet në përfundimet se çfarë emri mund të ketë por shkencëtarët turq flasin për një version turk të Covid-19.

Sipas mjekut infeksionist Alper Sener ashtu siç ka ndodhur edhe me versionin anglez, Brazilian apo të Afrikës së Jugut, ka dyshime të forta se edhe në Turqi është shfaqur një tjetër mutacion.

“Mund ta quajmë mutacioni i Detit të Zi apo Stambollit, nuk e dimë ende, por ajo që dihet është se gjatë javëve të fundit ka patur një nivel të lartë infektimi me këtë version të mutacionit në vendin tonë”, ka deklaruar Alper Sener.